Albisteak

Jardunaldi teknologikoa Tolosako ORIXE institutuko ikasleekin

2010/05/20

     Apirilaren 23an, Orixe Institutuko Batxilergoko 1.mailako ikasleak, mekanikako instalazioak bisitatu eta mekanizatzeko aukera izan zuten. Bertan, pieza bat torneatu eta beste bati planeaketa eta zulaketak egiteko aukera izan zuten, bai tornuan eta bai fresatzeko makinan.

     Ondoren CNC bidez pieza bat nola programatzen den eta nola exekutatzen den ikusi zuten eta bukatzeko CAD-CAM-eko prozesua nola izaten den ezagutzeko parada ere izan zuten . UNIGRAPHICS programa erabiliz, ikusi zuten nola diseinatu eta mekanizazioa simulatzen den eta ondoren programa nola sortzen duen software-ak .
Azkenik, aurrez diseinatutako pieza, abiadura handiko makinan mekanizatu genuen.
Gure alorrean jarduna bukatu ondoren galdagarintzako alorrean jarraitu zuten.

Euskararen erabileraren normalkuntza proiektua

2010/04/29

Urteak dira jada Tolosaldea GLHBI euskararen normalkuntzarako proiektua lantzen ari dela. Eusko Jaurlaritzako Hezkuntza Sailak bideratutako proiektu honetan, Ulibarri proiektuan, lanean ari garen ikastetxeek egindako lanari esker aurrerapenak egin dira, baina euskarak egin beharreko bidea  “iraupen froga” bat da, beraz,  lanean jarraitu beharra dugu euskarak, esparru guztietan, merezi duen presentzia eta erabilera-maila lortzeko eta gure zonalde honetan “euskaraz bizi” leloa errealitatea bihurtzeko.

Gure ikastetxea D eredukoa da, baina euskararekin eta euskal kulturarekin dugun konpromezua ez da klaseak euskaraz ematera mugatzen, urrutiago doa, ikastetxeak euskara eta euskal kultura bultzatzeko konpromezua da.

Horretarako hainbat esparrutan egiten dugu lan:
* Sortutako dokumentazio guztia euskara hutsean edo elebietan sortuz
* Gure paisaia linguistikoa zainduz euskararen aldeko giroa sor dezan
* Ikasmaterialak euskaraz sortuz eta zabalduz (moodle plataformaren bitartez, bideokonferien bitartez,…)
* Gure ikasleen eta irakasleen euskararen ezagutza eta kalitate-maila hobetzearren hainbat ekintza antolatuz
* Gelaz kanpoko ekintzetan euskarak presentzia izan dezan ahaleginduz,…

Bestalde, lanbide heziketako ikastetxea garen aldetik, enpresekin ditugun harremanak baliatuz, enpresa mundua euskaratzeko gure hondar alea jartzen ahalegintzen gara gure ikasleen praktiken bitartez eta langabetuentzako eta langileen prestakuntzarako ikastaroak euskaraz egiteko aukera eskainiz.

TOLOSALDE GLHIko ikasleak "Gipuzkoa Encounter"en

2010-04-23

Martxoak 18-tik 21-ra gipuzkoa encounterren laugarren edizioaren antolaketan parte hartu zuten  Informatika zikloko lehenengo kurtsoko ikasleak.

Bertan, aktibitate desberdinak aurkitu zituzten:

1. Arte digitala: Bertan argazki eta bideo digitalen moldaketak egiten dira.
2. Jokoak: Joko desberdinak aurki zitezkeen bertan: Counter-Strike 1.6, trackmania, Street fighter IV, PES 2010, Mario Kart Wii. Joko hauen txapelketak egin ziren.    
3. Hardware: Modding (Ordenagailuen tunning-a) eta Overclocking (mikroprozesagailua azkarrago ibiltzeko teknikak) hitzaldiak izan ziren.
4. Software librea: Hacking txapelketa. Bere helburua sarean zegoen web orri bateko pasahitza lortzea zen.
5. Beste aktibitateen artean Poker txapelketa, Doblaketa txapelketa,...

Informazio gehio duzue ondorengo webgunean:  http://www.gipuzkoaencounter.org/es/

TOLOSALDEA GLHIko ikasleak Europan zehar

2010/04/16

Urtero bezala ikastetxe honetako 13 ikasle ERASMUS eta LEONARDO da VINCI bekei esker Europako hainbat enpresetan  diardute bere espezialitateko lan-praktiketan. (Hiru hilabete)
-    Galdaragintzako ikasle bat, Estocolmo- Suedian.
-    Mekanizaketako eta Elektrizitateko bana Rimini- Italian.
-    Metal Eraikuntzako  bi eta Administrazioko bat, Rimini- Italian.
-    Informatikako hiru, Administrazio , Erregulazio, Mantentze eta Mekanikako ikasle bana, Woclaw hirian- Polonia.
Azken 7 urte hauetan TOLOSALDEA GLHI-ko 100 ikasletik gora joan dira bere espezialitateko lan-praktikak Europako enpresetan egitera.
Ingalaterra, Irlanda, Suedia, Finlandia, Frantzia, Italia eta Polonia izan dira orainarteko harrera-herrialdeak.
 

Galdaragintzak zilindro kurbatzaile berria estreinatu du

2010/03/16

Tolosaldea G.M.B.L.H.I Galdaragintzako departamentuak bere zilindro kurbatzaileen parkea hobetu du. Azken erosketa Birliz-Durma bat izan da. Hiru errodilo asimetrikoko zilindro kurbatzaile motorizatua da, eta orain arte kurbatzen ez ziren espesoreak mekanizatzeko bidea emango du.

Gainera, horrela ekindingo dira orain arte zenbait momentutan tailerrean sortzen ziren enbutuak, ikaskuntza kalitatea horrela hobetuz.
 

Soldadura eta Galdaragintza tailerrerako Robot berria

2010/02/10

Metrologia jardunaldia eta laborategien erabilera eskaintza

2010/01/22

Abenduaren 17an gure ikastetxeko metrologia laborategiko baliabideen erakusketa iardunaldi bat burutu zen. Bertara Tolosadeako hainbat enpresa bertaratu ziren eta ekintzaren helburua, enpresei ikastetxeko metrologia laborategian dauden baliabideen erabilera eskaintza bat egitea izan zen. Ekintzan batez ere beso neurtzaile eramangarria eta hiru ardatzeko makina azaldu ziren eta bertan enpresei eman dakiekeen erabilera argitu zen.

Bertaratu ziren enpresak honakoak izan ziren: Otsabio, Pasaban, Lantier, Iturbe, Obeki, Voith, CAF eta Talleres Gorri.
Iardunaldi horren ondorioz dagoeneko bi enpresek eskatu dituzte gure ikastetxeko metrologia zerbitzuak beraien produktuen egiaztapena guk egin diezaiegun.
  

Odola eman eta lagundu bizitzen

2010/01/12

Otsailearen 5ean, institutuan odola emateko aukera izango da

Datorren Urtarrilaren 27an Gipuzkoako Odol Emaileen Lehendakaria den Sabin Urelay Uranga Jaunarekin bilera informatibo bat izango dugu aurtengo kanpainaren helburuak argitzeko.

Euskal Forging enpresara bisita

2009/12/22

Abenduaren 2an, 1ME2 A eta B taldeetako ikasleekin, Euskal Forging enpresak Iruran duen lantegira bisita egin genuen. Bertan joskerarik gabeko eraztunak egiteko prozesua erakutsi eta azaldu ziguten.
Eskertzekoa benetan Euskal Forging-en eskaini ziguten arreta.

Bisitari buruzko informazio gehiago  http://txirbilazblai.blogsome.com/

Krisi garaian burtsan inbertitzen?

2009/12/17

Tolosaldea GLHIko administraritzako ikasleek txapelketa bat antolatu dute Usurbilgo GLHIko administraritzakoen aurka, “Balore burtsan inbertituz nork ateratzen duen etekinik onena”. Txapelketa hau bideokonferentziz jarraituko dugu. 20.000 € (fiktizio) inbertituko dituzte balore burtsako IBEX-35ean abenduaren 4an hasi eta otsailaren bukaera arte.

Nork aterako ote du errentagarritasunik altuena? Irabazleak noski!